Ishami rishinzwe Ubuyobozi n’Imari (Administration and Finance Unit) rifite inshingano rusange zo gukusanya neza amafaranga yinjira no gucunga neza imikorere rusange ya RMF. Rifashijwe n’Umucungamari ushinzwe ibyishyurwa (Expenditure Accountant) n’Abacungamari b’amafaranga yinjira (Revenue Accountants), Umuyobozi waryo (DAF) n’itsinda ayoboye bashinzwe gutegura no gutunganya ubwishyu bw’inyemezabuguzi. Ashinzwe kandi gukurikirana ikusanyabwishyu ry’amafaranga aturuka mu masoko ateganywa n’amategeko agenga RMF.
Inyandiko zisabwa kugira ngo inyemezabuguzi yakirwe zirimo: kopi y’amasezerano, Service Order, inyemezabuguzi igomba kwishyurwa, icyemezo cy’iyakirwa ry’agateganyo ry’imirimo cyangwa icyemezo cya nyuma bitewe n’aho imirimo igeze. Nyuma yo kugenzurwa n’Ishami rya Tekinike no kwemezwa n’Umuyobozi Mukuru ashyizeho umukono na kashe, inyemezabuguzi yoherezwa mu biro bya DAF mu Ishami ry’Imari kugira ngo hatunganywe ubwishyu.
Mu buryo bwihariye, DAF agomba:
Guhuza ibikorwa by’ubuyobozi, abakozi n’imari;
Kugenzura igenamigambi ry’imari rya buri mwaka no gutegura ingengo y’imari y’ibikorwa;
Guhuza ikusanyabwishyu ry’amafaranga n’imicungire rusange myiza;
Kugenzura inyandiko z’imari, ibitabo by’ibaruramari n’izindi nyandiko no gutegura inyandiko zihuza konti (account reconciliations);
Gukora ku buryo ihuzwa ry’inyandiko z’imari n’ibaruramari rya buri mwaka bikorwa neza hakurikijwe ibisabwa n’amategeko;
Gutegura neza, gusesengura no gutangaza raporo z’imari za buri kwezi n’umwaka;
Guhuza no kuyobora igikorwa cy’igenzura ry’imari rya buri mwaka, harimo gukorana n’abagenzuzi b’inyuma / OAG no gukurikirana ishyirwa mu bikorwa ry’inama zatanzwe n’ubugenzuzi bw’imbere n’ubw’inyuma;
Gukurikirana iterambere n’impinduka mu mikoreshereze y’imari no kumenyesha ubuyobozi bukuru uko imari ihagaze;
Gutegura no kugena ingengo y’imari ya buri mwaka mbere y’itangira ry’umwaka w’ingengo y’imari;
Gutegura no gucunga gahunda y’ikoreshwa ry’amafaranga (cash flow) no guteganya uko azagenda akoreshwa mu bihembwe no mu mwaka, no kugenzura konti za banki zose;
Gushyira mu bikorwa uburyo bwo gucunga amasezerano n’imari no gutanga raporo, no kureba ko buhora buvugururwa;
Gushyiraho no kubungabunga amategeko n’amabwiriza agenga imicungire y’imari;
Gukora ku buryo gahunda zose z’imari (kwakira amafaranga, kwishyura, gutanga fagitire, kubika inyandiko, igenamigambi n’ibaruramari) zikora neza kandi zifite inyandiko zisobanutse;
Kugenzura amafaranga agomba kwinjira n’agomba gusohoka;
Kugenzura ibijyanye n’imishahara, gutanga akazi no gusuzuma imikorere y’abakozi;
Kugenzura igenamigambi ry’abakozi, amahugurwa n’iterambere ryabo;
Kugira inama ubuyobozi ku bibazo birebana n’abakozi n’imiyoborere;
Kugenzura imibereho myiza y’abakozi nk’uko biteganywa n’amategeko abigenga;
Guhuza imicungire y’ibikoresho byo mu biro n’umutungo;
Kugira inama ubuyobozi ku itegurwa ry’imishinga mishya igamije gushaka inkunga;
Guhuza no kugenzura imicungire myiza y’ibikoresho n’ikoranabuhanga (ICT) no kubibungabunga;
Gukora ku buryo amabwiriza agenga imikorere y’ubuyobozi (Manual of Administrative Procedures) yubahirizwa;
Kugira inama Umuyobozi Mukuru wa Road Maintenance Fund ku bibazo by’imari igihe bibaye ngombwa;
Gutanga raporo zihoraho (buri cyumweru, buri kwezi, buri gihembwe n’umwaka) ku bikorwa by’Ishami ry’Imari;
Gukora isuzuma rihoraho ry’imikorere y’abakozi b’Ishami ry’Imari;
Gukora indi mirimo yose yashingwa n’Umuyobozi Mukuru.