Icyerekezo:
Icyerekezo cyacu ni ukubungabunga neza, dukurikije ubushobozi bw’imari dufite, imihanda yashyizwe mu byiciro, bityo tugashyigikira iterambere rirambye ry’ubukungu bw’igihugu, dukurikije politiki z’igihugu zihari.
Inshingano:
RMF ifite inshingano zikurikira:
Kwakira, gucunga neza no gutanga amafaranga agenewe kubungabunga imihanda y’Igihugu, iy’Uturere n’Umujyi wa Kigali yo mu cyiciro cya mbere, igenwa n’Iteka rya Minisiteri ifite imihanda mu nshingano.
Gufatanya n’izindi nzego bireba mu gutegura gahunda zo kubungabunga imihanda ziterwa inkunga na RMF.
Kugenzura ko inyandiko z’amasoko z’imishinga yo kubungabunga imihanda zubahiriza amategeko mbere y’uko inkunga itangwa.
Kureba ko imirimo igomba kwishyurwa yakozwe neza nk’uko byateganyijwe mu masezerano yashyizweho umukono.
Gufatanya no gukorana n’ibindi bigega byo mu karere no ku rwego mpuzamahanga bifite inshingano bisa.
Kwimura abaturage ku mpamvu z’inyungu rusange no kubaha indishyi ku byangiritse hakurikijwe amategeko abigenga.
Indangagaciro:
Ikigega cyo Kubungabunga Imihanda kigendera ku ndangagaciro zikurikira mu mikoranire yacyo imbere mu kigo no n’abafatanyabikorwa:
Ubuyobozi bufite ubunyangamugayo:
Abantu bagaragaza ubunyangamugayo, gukorera mu mucyo, kuvugisha ukuri, gukorera hamwe, no kwitanga mu kazi, biteguye gukorera abaturage.
Ubwiza bw’akazi:
Abatanga serivisi mu kinyabupfura, ubunyamwuga n’ubuhanga, bubaha abo bakorera.
Imibanire myiza:
Abubaka imibanire myiza n’abafatanyabikorwa bose bagamije gukora ibikwiriye.